Труну з целам Мандэлы тры дні будуць вазіць па Прэторыі
Усе жыхары сталіцы ПАР змогуць развітацца з экс-презідэнтам краіны і лаўрэатам Нобелеўскай прэміі міра.
Дзяржаўнае пахаванне лідара барацьбы з рэжымам апартэіду адбудзецца 15 снежня ў вёсцы Куну, дзе ён нарадзіўся. Паніхіда па Нэльсане Мандэле пройдзе 10 снежня на футбольным стадыёне ў Ёханэсбургу, інфармуе ВВС са спасылкай на замежныя інфармагенцтвы.
Чакаецца, што на афіцыйным пахаванні і паніхідзе будуць прысутнічаць многія сусветныя лідары. Для сваякоў і сяброў Мандэлы асобна пройдзе прыватная цырымонія развітання.
