Трохгадовы хлопчык у Калінкавічах засунуў галаву ў сістэмны блок камп'ютара

Дапамога ратавальнікаў спатрэбілася трохгадоваму дзцяці ў Калінкавічах 3 траўня.

Як паведамляе прэс-служба МНС, у 14:44 ратавальнікам затэлефанавала жанчына і паведаміла, што хлопчык захрас галавой у корпусе сістэмнага блока камп'ютара.

Прыбыўшы на месца, ратавальнікі пабачылі, што дзіця засунула галаву ў разабраны сістэмны блок і не можа дастаць адтуль. Супрацоўнікі МНС выратавалі хлопчыка з дапамогай дыэлектрычных нажніцаў. Дзіця пры здарэнні не пацярпела.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.