Трое мужчын кідалі у амбасаду Ўкраіны ў Маскве яйкі і падлодкі

Праваахоўнымі органамі затрыманы лідэр маскоўскага аддзялення Еўразійскага саюза моладзі Павел Канішчаў, які арганізаваў у нядзелю несанкцыянаваную акцыю ля амбасады Ўкраіны ў Маскве. "27 ліпеня, у дзень ваенна-марскога флота Расіі актывісты ЕСМ закідалі амбасаду Ўкраіны ў Маскве яйкамі, а таксама макетамі атамнай падводнай лодкі", - паведамілі "Інтэрфаксу" у прэс-службе ЕСМ, адзначыўшы, што адзін з макетаў уляцеў у расчыненае акно аднаго з кабінетаў амбасады. Акцыя праводзілася ў знак пратэсту супраць планаў выдалення расійскага флоту, а таксама "дэпартацыі дэпутата Дзярждумы Затуліна з тэрыторыі Ўкраіны", - сказалі ў прэс-службе. Прадстаўнік ГУЎС Масквы Яўген Гільдзееў пацвердзіў інфармацыю, удакладніўшы, што ў інцыдэнце ўзялі ўдзел тры чалавекі: "Трое мужчын, праходзячы ля амбасады Ўкраіны, кінулі ў яе некалькі яек. Супрацоўнікі міліцыі, якія дзяжурылі ля амбасады, маментальна спынілі хуліганства. Двое ўцяклі, аднаго затрымалі". Затрыманаму Канішчаву -- 22 гады. Яму пагражае крымінальная справа за дробнае хуліганства.

Апошнія навіны

Галоўнае

Выбар рэдакцыі