Трэснутая сцяна ў Купалаўскім тэатры — гэта новая атынкоўка
Сайт інтэрнэт-газеты "Салідарнасць" апублікаваў фота сцяны ў Купалаўскім, на якім відаць расколіну.
У адміністрацыі тэатра Еўрарадыё патлумачылі, што трэснула не сцяна, а новая атынкоўка:
"Гэта старая частка будынка. Сцены тут не будаваліся наноў, проста мянялася атынкоўка. То бок атынкоўка дала невялікую трэшчыну, яна сапраўды ледзь заўважная. З самімі сценамі ўсё ўпарадку".
Яны, дарэчы, будаваліся у канцы XIX стагоддзя. Чаму атынкоўка трэснула, невядома, патлумачылі ў тэатры. Гэта магло здарыцца, як з-за перападаў тэмператур, так і з-за парушэння тэхналогій.
Расколіну збіраюцца "ліквідаваць" падчас невялікага рамонту. Цікава, што яе заўважылі, толькі пасля звароту журналіста Еўрарадыё па каментар.
Фота — Салідарнасць
