TikTok заблакаваў сетку акаўнтаў, якая пашырала расійскую прапаганду на Беларусь

TikTok паведамляе пра знішчэнне расійскіх прапагандысцкіх сетак / pixabay.com
TikTok паведамляе пра знішчэнне расійскіх прапагандысцкіх сетак / pixabay.com

TikTok заблакаваў сетку акаўнтаў у Грузіі. Яна пашырала сярод беларускіх карыстальнікаў расійскую прапаганду пра вайну ва Украіне. Пра гэта гаворыцца ў справаздачы, апублікаванай на сайце відэасэрвісу 9 лютага.

У сетцы было 18 акаўнтаў, на якія былі падпісаныя каля 85 тысяч карыстальнікаў. Мэтавай групай былі рускамоўныя жыхары Казахстана, Беларусі і Украіны. Уладальнікі акаўнтаў распаўсюджвалі расійскую афіцыйную прапаганду наконт вайны ва Украіне, прыкідваючыся навінавымі агенцтвамі.

Таксама TikTok паведаміў пра яшчэ адну сетку, якая працавала ў Расіі. Яна аб'яднала 1686 акаўнтаў, іх падпісчыкамі сталі 133 тысячы карыстальнікаў. Сетка працавала з еўрапейскай аўдыторыяй — жыхарамі Германіі, Італіі ды Вялікабрытаніі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі