Тэрабарона на вучэннях адпрацуе ўзмацненне аховы "важных аб'ектаў у сталіцы"
![Тэрабарона на вучэннях адпрацуе ўзмацненне аховы "важных аб'ектаў у сталіцы"](/sites/default/files/styles/gallery_main/public/2023-08/ter_1.jpg.webp?itok=k9BVhI2W)
Мінская тэрабарона на вучэннях адпрацуе ўзмацненне аховы "важных аб'ектаў у сталіцы". Яны запланаваныя на суботу, 27 жніўня. Пра гэта БЕЛТА паведаміў начальнік упраўлення тэрытарыяльнай абароны, намеснік начальніка Генштаба Узброеных сіл Беларусі палкоўнік Андрэй Маціевіч. Паводле яго слоў, "фармаванне войскаў тэрытарыяльнай абароны ў Мінску ідзе паводле плана", а "партызаны" аднаўляюць свае навыкі па валоданні зброяй, штабы ж "рыхтуюцца да кіравання падраздзяленнямі".
Маціевіч настойвае, што "праблем з падрыхтоўкай тэрытарыяльных войскаў у нас няма".
![Тэрабарона на вучэннях адпрацуе ўзмацненне аховы "важных аб'ектаў у сталіцы"](/sites/default/files/styles/default_image_paragraph_watermark/public/paragraphs/image/000023b4e32e0d7c5438c3432588a9003ed231483929.jpg.webp?itok=OQiEkOla)
25 жніўня мінская тэрабарона на палігоне страляла з супрацьтанкавых гармат МТ-12 / БЕЛТА
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.