Талай заклікаў рыхтавацца да абароны "па ўсіх франтах ад знешняга свету"
![Аляксей Талай аб'явіў "новую рэальнасць"](/sites/default/files/styles/gallery_main/public/2024-01/tal1.jpg.webp?itok=hDBix_Ae)
Аляксей Талай аб'явіў "новую рэальнасць" / narovlya.by
Аляксей Талай, кіраўнік дабрачыннага фонду і адданы прыхільнік рэжыму Аляксандра Лукашэнкі, пабываў у Нароўлі. На арганізаваным сходзе мясцовых жыхароў ён выступаў як прапагандыст, расказваючы, як добра жывецца ў РБ і што РФ робіць ва Украіне.
"Вам, рабяты, яшчэ трэба будзе паслужыць радзіме, — цытуе словы Талая "Прыпяцкая праўда". — Абараняць яе па ўсіх франтах ад знешняга свету, ўносіць свой пасільны ўклад у яе росквіт. Рыхтуйцеся да гэтага. Цяпер у нас новая рэальнасць".
А яшчэ Аляксей Талай збіраў гуманітарную дапамогу для Данбаса.
Летась прэзідэнт Украіны Уладзімір Зяленскі ўвёў персанальныя санкцыі ў дачыненні да Аляксея Талая і яго фонду за саўдзел у вывазе ўкраінскіх дзяцей.
![Талай заклікаў рыхтавацца да абароны "па ўсіх франтах ад знешняга свету"](/sites/default/files/styles/default_image_paragraph/public/paragraphs/image/Takl2.jpg.webp?itok=QdcmNYHD)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.