“Талаковы эфір”. Як сабраць 24 тысячы рублёў на крафтавае адзенне ELSEE

У вытворчасці адзення трэнды дыктуе мас-маркет. Але ёсць праблема: у выніку ўсе, хто імкнецца злавіць трэнд, выглядаюць аднолькава.

Антон Казлоў прапануе рашэнне: стварыць канцэптуальнае беларускае адзенне, якое будзе адлюстроўваць унікальнасць асобы, а не масавую моду. Для гэтага ён распачаў краўдфандынг-праект на Talaka.org.

Каб наладзіць выпуск крафтавага адзення ELSEE, Антону трэба сабраць 24 тысячы рублёў. На гэты момант ахвяравана 590 рублёў, то бок 2% ад неабходнай сумы. На што разлічвае дызайнер? 17 ліпеня Антон Казлоў распавядае пра гэта ў студыі Еўрарадыё ў межах новага праекта “Талаковы эфір”.