Сяргею Ціханоўскаму працягнулі тэрмін утрымання пад вартай на два месяцы
Блогеру Сяргею Ціханоўскаму працягнулі тэрмін утрымання пад вартай на два месяцы, паведамляе Telegram-канал "Краіна для жыцця".
"Мы ўсведамляем, што падобнае парушэнне закона здзяйсняецца толькі з адной мэтай - не дапусціць выхаду на волю чалавека, які здольны вывесці народнае пратэстны рух на новы ўзровень", — гаворыцца ў паведамленні "Краіны для жыцця".
Ціханоўскага затрымалі чатыры месяцы таму — 29 траўня на пікеце ў Гродне, дзе ён збіраў подпісы за вылучэнне сваёй жонкі Святланы Ціханоўскай кандыдаткай у прэзідэнты. Разам з Ціханоўскім затрымалі некалькі яго прыхільнікаў.
Следчы камітэт абвінаваціў Ціханоўскага і шэраг іншых людзей у арганізацыі і падрыхтоўцы дзеянняў, якія груба парушаюць грамадскім парадак (ч.1 арт. 342 Крымінальнага кодэкса).
Amnesty International прызнала Сяргея Ціханоўскага вязнем сумлення.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
