Святлана Ціханоўская праводзіць сустрэчу з выбаршчыкамі ў Брэсце
Гледачы на пікеце ў Берасьці 2 жніўня / Фота: "Мая краіна Беларусь"
2 жніўня ў Брэсце ў парку імя воінаў-інтэрнацыяналістаў на вуліцы Маскоўскай прайшла сустрэча кандыдата ў прэзідэнты Святланы Ціханоўская з выбаршчыкамі. Разам з ёй прыехалі Марыя Калеснікава і Вераніка Цапкала.
У выхадны дзень у парку сабраўся вялікі натоўп людзей. Праз паўгадзіны пасля афіцыйнага пачатку назіраецца шмат людзей на ўваход. Сама пляцоўка знаходзіцца ў парку, на ўскраіне горада. На мерапрыемстве арганізаваны продаж тавараў з нацыянальнай сімволікай.
У парк прыйшло некалькі тысяч людзей, візуальна палічыць складана, так як зялёныя насаджэнні перашкаджаюць, але відавочна, што іх больш чым месціць асноўная пляцоўка.
Каб трапіць на пляцоўку, людзі стаяць вялікую чаргу — на кантрольна-прапускных пунктах міліцыянты правяраюць кожнага. Загароды і праваахоўнікі з'явіліся на мінулым тыдні — тады па ініцыятыве МУС былі ўзмоцнены меры бяспекі.
Сёння Ціханоўская таксама наведвала Баранавічы. Па паведамленні валанцёрскай службы "Вясна" на мітынгу было больш за восем тысяч чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
