Светлагорскія пенсіянеры рыхтуюць пікет супраць адмены льготаў

Група грамадзян горада Светлагорск Гомельскай вобласці падала заяву ў райвыканкам на правядзенне пікету.  Такім чынам яны хочуць выказаць пратэст супраць адмены сацыяльных гарантый для інвалідаў, ветэранаў вайны і працы, студэнтаў і дзяцей. Пікет плануецца правесці 8 ліпеня ў цэнтры горада.

Арганізатары акцыі, а гэта пераважна пенсіянеры, у заяве адзначаюць, што бяруць на сябе адказнасць у забеспячэнні грамадскага парадку і бяспекі пры правядзенні масавага мерапрыемства.

Прэс-служба “Маладога фронту”