Супраць блогера Кабанава завялі новыя крымінальныя справы

У дачыненні да блогера Аляксандра Кабанава завялі некалькі новых крымінальных спраў. Напярэдадні ў доме яго бацькоў прайшоў ператрус.

“Ператрус у бацькоў быў звязаны з тым, што на мяне завялі тры, а можа чатыры, а можа і трыццаць чатыры крымінальныя справы”, — напісаў Кабанаў на сваёй старонкі ў сацсетках.

Кабанава, які быў прес-сакратаром Святланы Ціханоўскай, затрымалі летам 2020 года, яшчэ да выбараў, а потым асудзілі на тры гады калоніі агульнага рэжыму. На волю Кабанаў выйшаў 17 снежня 2022 года і неўзабаве пасля гэтага пакінуў Беларусь.

У эфіры Еўрарадыё блогер расказваў, у якіх умовах ён сядзеў.