Вы тут

Суд у Маскве вырашыў, што Аляксею Кудзіну ў Беларусі не пагражаюць катаванні

Аляксей Кудзін у судзе ў Мададзечне, 2020 год / З архіву rh.by

Маскоўскі абласны суд вырашыў, што шматразоваму чэмпіёну свету па кікбоксінгу і тайскім боксе Аляксею Кудзіну ў Беларусі не пагражаюць катаванні, а яго крымінальны пераслед не з'яўляецца палітычна матываваным, паведамляе тэлеграм-канал @zozhteam. Адвакаты спартсмена падавалі скаргу на рашэнне аб экстрадыцыі, але яе не задаволілі. Чакаецца, што будзе падавацца апеляцыя.

У Беларусі Аляксея Кудзіна абвінавачваюць па артыкуле "Супраціўленне супрацоўніку органаў унутраных спраў", яму пагражае да 5 гадоў пазбаўлення волі. У жніўні 2020-га спартсмен удзельнічаў у пратэстах у Маладзечне, калі адбыліся сутычкі з сілавікамі. Кудзіна спрабавалі затрымаць і ён проста абараняўся.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.