Суд у Гродне вырашыў ліквідаваць арганізацыю, якая выпускала папулярнае медыя
Галоўны рэдактар гарадзенскага сайта Аляксей Шота
Улады працягваюць барацьбу з недзяржаўнымі арганізацыямі і медыя. У Гродне эканамічны суд вобласці пастанавіў ліківідаваць ТАА "Гродна Лайф Медыя", якое выпускала папулярнае медыя.
Суддзя Марына Рослік пагадзілася з бокам абвінавачання, што ТАА "ажыццяўляе дзейнасць, забароненую заканадаўчымі актамі". Прадстаўнік пракуратуры нагадаў аб двух выпадках, калі партал прыцягнулі да адміністрацыйнай адказнасці. Акрамя таго экстрэмісцкай была прызнана прадукцыя Telegram-канала інтэрнэт-рэсурсу.
У чацвер таксама стала вядома аб намеры гомельскіх уладаў ліквідаваць краязнаўчую арганізацыю "Талака". Суд па гэтым пытанні запланаваны на 15 верасня. Гэтая арганізацыя існуе ў Гомелі з канца 90-х.
