Стваральніка BelScan асудзілі на 8 гадоў калоніі
![Арцем Мазанік / @viasna96](/sites/default/files/styles/gallery_main/public/2023-08/mayanik3-10.jpg.webp?itok=fDkq60nO)
Арцем Мазанік / @viasna96
Праграміста палітзняволенага Арцёма Мазаніка прыгаварылі да 8 гадоў пазбаўлення волі ў калоніі ўзмоцненага рэжыму. Такое рашэнне вынес Мінскі гарадскі суд, паведамляюць праваабаронцы.
Па версіі следства, Мазанік рапрацаваў у 2020 годзе мабільную аплікацыю BelScan для дэананімізацыі прадстаўнікоў улады. Акрамя таго, дадатак дазваляў вызначаць вытворцаў тавараў па штрых-коду і правяраць, ці падтрымліваюць яны дзеючую ўладу.
У Следчым камітэце лічаць, што праз праграму таксама распаўсюджваліся заклікі да дзеянняў супраць нацыянальнай бяспекі. Арцёма Мазаніка затрымалі 14 студзеня, а ў канцы ліпеня КДБ унёс яго ў спіс асоб, якія маюць дачыненне да тэрарыстычнай дзейнасці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.