Студэнт скраў 200 долараў, а адказваць давядзецца за 37 тысяч
"Высокатэхналагічныя" злачынствы прыйшлі і ў правінцыю. У Оршы распачата першая ў райцэнтры крымінальная справа па факце здзяйснення злачынства з дапамогай камп'ютарных тэхналогій. На лаве падсудных хутка павінен апынуцца малады праграміст аднаго з мясцовых прадпрыемстваў, студэнт-завочнік і аматар камп'ютарных гульняў. У віртуальнай прасторы хлопец адкрыў "Інтэрнэт-краму", ў якой прапанаваў пакупнікам бытавую тэхніку.
Халадзільнікі, кухонныя камбайны, пыласосы ды музычныя цэнтры ён абяцаў даставіць пакупнікам дахаты з умовай невялікай перадаплаты — 15-20 долараў. Сайт хутка стаў досыць папулярным, і хлопец паспяхова "гандляваў" на працягу года, пакуль ім не зацікавіліся міліцыянты. Вядома, ніякай бытавой тэхнікі на продаж у яго не было.
На сённяшні дзень даказана, што студэнт скраў у даверлівых пакупнікоў агулам 200 долараў. Але яго абвінавачваюць у крадзяжы ў асабліва буйных памерах — 37 тысяч долараў. Менавіта на такую суму, як падлічылі міліцыянты, было заяўлена на сайце віртуальных бытавых тавараў.
Ядвіга Сташэўская, Еўрарадыё, Віцебск
Халадзільнікі, кухонныя камбайны, пыласосы ды музычныя цэнтры ён абяцаў даставіць пакупнікам дахаты з умовай невялікай перадаплаты — 15-20 долараў. Сайт хутка стаў досыць папулярным, і хлопец паспяхова "гандляваў" на працягу года, пакуль ім не зацікавіліся міліцыянты. Вядома, ніякай бытавой тэхнікі на продаж у яго не было.
На сённяшні дзень даказана, што студэнт скраў у даверлівых пакупнікоў агулам 200 долараў. Але яго абвінавачваюць у крадзяжы ў асабліва буйных памерах — 37 тысяч долараў. Менавіта на такую суму, як падлічылі міліцыянты, было заяўлена на сайце віртуальных бытавых тавараў.
Ядвіга Сташэўская, Еўрарадыё, Віцебск