"Страляй!": фантастычнае відэа, як пратэстовец праганяе сілавіка са стрэльбай
!["Страляй!": фантастычнае відэа, як пратэстовец праганяе сілавіка са стрэльбай](/sites/default/files/styles/gallery_main/public/2023-08/photo_2020-11-01_16-54-42.jpg.webp?itok=b2BPTF7Z)
У Мінску падчас сутыкнення сілавікоў з пратэстоўцамі адбыўся фантастычны момант. Чалавек у форме настаўляе стрэльбу на пратэстоўцу ў чырвонай куртцы. А той не проста не адступае, а расшпільвае куртку і падымае футболку: страляй! У гэты момант зусім побач іншы чалавек у вайсковай форме страляе ў паветра.
Але бясстрашнага пратэстоўцу гэта не спыняе. Ён не ўзброены, але працягвае ісці наперад, наўпрост на стрэльбу сілавіка ў хакі, пакуль яго не адцягваюць іншыя пратэстоўцы.
Дарэчы, інцыдэнт са стрэльбай адбыўся неўзабаве пасля таго, як сілавікі спрабавалі затрымаць мужчыну, пырскаючы яму ў твар пярцовым газам і збіваючы дручкамі. Але яго адбілі жанчыны. Вось як гэта было, паглядзіце!
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.