Стала вядома, ад якой хваробы памірае кожны дзясяты еўрапеец
Навукоўцы еўрапейскага рэспіраторнага таварыства прааналізавалі паказчыкі смяротнасці па ўсім кантыненце.
Як піша брытанскае выданне The Independent, яны прыйшлі да высновы, што рэспіраторныя захворванні штогод забіваюць каля мільёна чалавек. На лячэнне хваробаў лёгкіх даводзіцца выдаткоўваць каля 400 мільёнаў еўра.
Тым часам Сусветная арганізацыя аховы здароўя прагназуе, што да 2030 года на рак лёгкіх, пнеўманію, сухоты будзе прыпадаць кожная пятая смерць у свеце.
Еўрапейскае рэспіраторнае таварыства паведамляе, што палова ўсіх выпадкаў захворванняў жыхароў краін Еўропы можа быць звязана з курэннем.
Фота — independent.co.uk
