Спецкамісія не знайшла парушэнняў на ЦЭ, але сістэму прапанавала памяняць

Сёння павінны стаць вядомыя вынікі ЦЭ па матэматыцы / Міністэрства адукацыі РБ
Сёння павінны стаць вядомыя вынікі ЦЭ па матэматыцы / Міністэрства адукацыі РБ

Камісія па праверцы вынікаў цэнтралізаванага экзамену не знайшла парушэнняў пры падліку, заявіў намеснік міністра адукацыі Беларусі Аляксандр Кадлубай у эфіры Беларускага тэлебачання. Камісія працавала тры дні. Яе асноўнай задачай было ацаніць справядлівасць і правільнасць методыкі разліку.

У выніку "камісія пацвердзіла, разлікі былі праведзеныя без парушэнняў, тэхнічных умяшанняў не было, як у зваротах паказвалі шматлікія грамадзяне", сказаў Кадлубай. Тым не менш у сваім заключэнні камісія адзначыла, што цяперашняя методыка занадта складаная, і рэкамендавала яе спрасціць.

Нагадаем, вынікі першага цэнтралізаванага экзамену выклікалі шквал крытыкі і пратэст з боку выпускнікоў і іх бацькоў. Вынікі прыкметна адрозніваліся ад працэнтаў, якія школьнікі атрымлівалі на рэпетыцыйным экзамене. Пазней вынікі перагледзелі. Сёння павінны стаць вядомыя вынікі ЦЭ па матэматыцы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі