Сотавы аператар “МТС” павялічыць кошт званкоў на 15 рублёў за хвіліну

Сотавы аператар “МТС” з 9 лютага павялічвае тарыфы на сыходзячыя і пераадрасаваныя выклікі ўнутры сеткі з большага на 15 рублёў за хвіліну.
На некаторых тарыфных планах званкі падаражаюць да 30 рублёў. Таксама на 15 рублёў павялічваецца кошт СМС-паведамленняў. Падаражанне закране і мабільных інтэрнэт-карыстальнікаў, паведамляе афіцыйны сайт МТС.

У кампаніі павелічэнне тарыфаў тлумачаць тым, што значная частка выдаткаў залежыць ад курсу рубля. Ва ўмовах дэвальвацыі адсутнасць пэўных захадаў магло б адмоўна паўплываць на далейшае развіццё кампаніі.