Скандал: Прэзідэнт Венесуэлы нарадзіўся ў Калумбіі і ў яго іншае імя

Ён прадэманстраваў нібыта сапраўдны запіс пра нараджэнне дзейнага венесуэльскага прэзідэнта Нікаласа Мадуры на тэрыторыі суседняй Калумбіі. Паводле гэтага дакумента, атрыманага ў грамадзянскім рэгістры калумбійскага горада Кукута, сапраўднае імя прэзідэнта — Нікалас Алехандра Мадура Морас. З'явіўся ён на свет 20 лістапада 1961 года, а не 23 лістапада 1962-га, як было запісана пазней у момант рэгістрацыі будучага прэзідэнта ўжо ў Венесуэле ва ўзросце 11 гадоў.

Кочас адзначыў, што па канстытуцыі Венесуэлы асоба, якая прэтэндуе на пасаду кіраўніка дзяржавы, павінна быць народжаная на тэрыторыі краіны і не можа мець двайнога грамадзянства. Між тым, маці і бацька Мадуры нібыта мелі калумбійскае грамадзянства. Аўтар сенсацыі не выключае, што з-за скандалу з месцам нараджэння Нікалас Мадура можа не толькі страціць сваю пасаду, але і патрапіць у турму, інфармуе РІА "Новости".

Нагадаем, Мадура стаў прэзідэнтам Венесуэлы ў красавіку 2013 года. На выбарах ён здолеў апярэдзіць лідара апазіцыі Энрыке Капрылеса. Нікалас Мадура прэзентуе сябе, як пераемніка памерлага прэзідэнта Уга Чавеса.

На здымку: Мадура з фота Чавеса. Фота — AFP