Сірыйская авіякампанія Cham Wings Airlines адмяніла ўсе рэйсы ў Беларусь
Сірыйская авіякампанія Cham Wings Airlines адмяніла ўсе рэйсы ў Беларусь. Пра гэта яна паведаміла ў Twitter. Авіякампанія спасылаецца на "крытычную сітуацыю на мяжы Беларусі і Польшчы". Адзначаецца, што "цяжка ідэнтыфікаваць пасажыраў, якія накіроўваюцца ў Беларусь у якасці канчатковага пункта прызначэння, і імігрантаў". Таму "палёты неадкладна прыпыняюцца". Такім чынам ліквідаваны адзін з каналаў, па якім у Беларусь дастаўляліся мігранты, якія пасля спрабавалі нелегальна трапіць у краіны ЕС. Cham Wings Airlines пайшла на такі крок пад пагрозай заходніх санкцый.
Раней спыніў прамыя палёты грамадзянскай авіяцыі ў Беларусь Ірак. А турэцкая авіякампанія Turkish Airlines паабяцала не перавозіць грамадзян Ірака, Сірыі і Емена з Турцыі ў нашу краіну. Таксама перад пагрозай санкцый.
Due to the critical situation on the Belarus-Poland borders, with majority of Cham Wings’ passengers flying to Minsk are Syrians and it is difficult to identify passengers flying to Belarus as their final destination, and immigrants, flights are suspended effective immediately. pic.twitter.com/sCQA40X7JV
— Cham Wings Airlines (@ChamWings) November 13, 2021
