Сілавікоў насцярожыла кніга "Жанчыны выходзяць з-пад кантролю", яе забралі
14 ліпеня ператрус адбыўся ў старшыні праўлення адукацыйнага цэнтра ПОСТ Сафіі Емельянавай. Як паведамляе тэлеграм-канал @viasna96, у яе, акрамя камп'ютара і тэлефона, забралі кнігу "Жанчыны выходзяць з-пад кантролю". Чаму яна насцярожыла сілавікоў? На вокладцы яны ўбачылі бел-чырвона-белы колер і ўзброеную "халоднай зброяй" жанчыну. Да таго ж кніга беларускіх жаночых апавяданняў выйшла ў 2007-м у серыі "Кнігарня "Наша ніва".
