Швейцарская прэзідэнтка церпіць за сваю чалавечнасць

У незвычайным становішчы апынулася прэзідэнтка Швейцарыі Мішлін Кальмі-Рэй. Яна выступіла ў папулярнай забаўляльнай праграме на адным з тэлеканалаў, дзе праспявала песню Эдыт Піаф “Тры званочкі”.

Палітычныя апаненты адразу абвінавацілі Кальмі-Рэй у падрыве аўтарытэта прэзідэнта краіны і ў заляцанні да публікі.

Мішлін Кальмі-Рэй абвінавачванні ў свой бок назвала “смешнымі” і дадала, што толькі хацела паказаць, што прэзідэнт такі ж чалавек, як і ўсе.