Штрафу актывістам хопіць на 38 гадзінаў пікетавання “Поедем поедим” знутры

20 ліпеня грамадскіх актывістаў аштрафавалі за пікетаванне рэстаранаў Леаніда Зайдэса агулам на 155 базавых велічыняў. Гэта 3797,5 рубля.

Актывісты аплачваць штрафы не збіраюцца. Але калі ўявіць, што з грашыма ўсё ж давядзецца развітацца?

Пікетоўцы ля рэстарана "Поедем поедим". Фота: радыё "Свабода".

Пікеты ля рэстарана "Поедем поедим" ва ўрочышчы Курапаты адбываюцца ад 1 чэрвеня. Актывісты дамагаюцца закрыцця ўстановы, якая ўзнікла ля ўрочышча, дзе ў сталінскія часы расстрэльвалі людзей. Па розных ацэнках, у Курапатах пахавана ад 7 тысяч да 250 тысяч ахвяраў сталінскіх рэпрэсіяў.