Штраф за дэманстрацыю савецкай сімволікі ў Літве складзе да 290 еўра

Ад 145 да 290 еўра будзе складаць штраф за дэманстрацыю савецкай альбо нацысцкай сімволікі ў Літве. Сейм гэтай краіны сёння прыняў папраўкі да кодэксу адміністрацыйных правапарушэнняў.  Паведамляецца, што ў музейнай, навуковай, адукацыйнай практыцы, а таксама антыкварным гандлі прысутнасць згаданай сімволікі дазваляецца. Тое самае датычыць і выпадкаў, калі элементы гэтай сімволікі з'яўляюцца афіцыйнымі атрыбутамі дзяржаваў, што існуюць цяпер.

Нагадаем, рашэнне пра забарону выкарыстоўваць на публічных мерапрыемствах сімволіку нацысцкай Нямеччыны, Савецкага Саюза і Літоўскай ССР Сейм прыняў 17 чэрвеня. Забарона была накладзеная не толькі на сцягі, гербы, знакі, але і на партрэты дзеячоў Нацыянал-сацыялістычнай рабочай партыі Нямеччыны і Камуністычнай партыі Савецкага Саюза, а таксама гімны Трэцяга рэйху, Савецкага Саюза і Літоўскай ССР.

ИТАР-ТАСС