Штодня Украіна губляе на фронце забітымі да сотні салдатаў
Украіна губляе на фронце штодня да сотні салдат забітымі і да 500 байцоў параненымі. Такія лічбы назваў кіраўнік Мінабароны Аляксей Рэзнікаў.
“Зброі, якая ўжо паступіла Украіне, хапіла б для пераможнага супраціву ад любой арміі Еўропы, але не ад РФ, бо рускі Малох мае ў запасе яшчэ шмат сродкаў для пажырання чалавечых жыццяў дзеля задавальнення свайго імперскага эга”, — піша ўкраінскі міністр.
Па яго словах, Украіне патрэбнае цяжкое ўзбраенне, прычым неадкладна.
