Вы тут

Што за звяры Бубуха і Кракавяк? Расказвае перакладчыца Алеся Башарымава

Афіша / Выдавецтва "Koska"

Што гэта за звяры такія: Эскалоп, Кракавяк, Качэўлік? Ці бачылі вы такіх звяроў і ці чулі вы пра іх? Хутка выйдзе кніга, з якой мы дазнаемся, што гэта за істоты.

Перакладчыца Алеся Башарымава і выдавец Надзя Кандрусевіч падрыхтавалі пераклад дзіцячай кнігі "Звяры, якіх ніхто не бачыў, апроч нас". У ёй сабраны філасофскія вершы для дзяцей ад вядомага шведскага пісьменніка Ульфа Старка і каляровыя ілюстрацыі ад выдатнай фінскай ілюстратаркі Лінды Бундэстам. У кнізе нам распавядуць пра цудоўных істот, якія жывуць вакол і ўнутры нас.

Пакуль кніга перакладзена толькі на нарвежскую і дацкую. І ў нас ёсць шанец першымі выдаць кнігу на постсавецкай прасторы. Пераклад на беларускую мову ўжо гатовы — засталося толькі сабраць грошы.

Чым адметная гэта кніга? Што гэта за такія звяры Эскалоп, Кракавяк, Качэўлік? Дзе яны жывуць? Чым яны жывуць і як глядзяць на гэты свет? Ці нагадваюць у чымсьці нас саміх?

Пра гэта і іншае размаўляем з перакладчыцай Алесяй Башарымавай у эфіры Еўрарадыё.