Савет бяспекі ААН: Расія адмаўляе свой удзел ва ўкраінскіх падзеях
З прамовай на пасяджэнні Савета бяспекі ААН выступіў намеснік генсакратара па палітычных пытаннях Джэфры Фелтман.
Ён адзначыў, што ААН не можа ігнараваць паведамленні пра ўдзел расійскага войска ў баях ва Украіне. Ён назваў такі ўдзел прамым парушэннем міжнароднага права. Разам з тым Фелтман адзначыў, што ў ААН няма незалежных магчымасцяў, каб гэта пацвердзіць, бо Расія ўсё адмаўляе.
Разам з тым на паседжанні не прынялі прапанаваную Расіяй пастанову з заклікам аб спыненні агня ва Усходняй Украіне. Так, прадстаўніца Літвы Раймонда Мурмакайтэ адзначыла, што ў гэтым дакуменце не адлюстраваны той факт, што сепаратысты замінаюць ураду Украіны дастаўляць гуманітарную дапамогу.
Фота — arms-expo.ru
