СААЗ зноў рэкамендуе падарожнікам карыстацца маскамі

Медыцынская маска / pixabay.com

З прычыны распаўсюджвання новага падварыянту каранавіруса Сусветная Арганізацыя Аховы Здароўя прапануе зноў увесці нашэнне масак у грамадскім транспарце. Краінам варта рэкамендаваць падарожнікам на далёкамагістральных рэйсах насіць маскі, лічаць у СААЗ. Пра гэта піша Reuters.

У ЗША апошні субварыянт COVID-19 зараз хутка распаўсюджваецца. У Еўропе XBB.1.5 знойдзены ў невялікай колькасці, але яна расце. Паводле прадстаўнікоў СААЗ, XBB.1.5 — найбольш перадаваны субварыянт амікрону, выяўлены на сённяшні дзень. Яны таксама кажуць, што існыя вакцыны працягваюць абараняць ад цяжкіх сімптомаў, шпіталізацыі і смерці.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.