Руская служба BBC па-ранейшаму называе нашую краіну "Белоруссия" (фота)

Руская служба BBC па-ранейшаму называе нашую краіну "Белоруссия". Адпаведная форма выкарыстоўваецца ў табліцы медальнага заліку Алімпіяды-2018. 

Роўна месяц таму, 16 студзеня, на сайце рускай службы BBC быў размешчаны адмысловы артыкул, у якім гаварылася, што журналісты пераходзяць на афіцыйныя назвы постсавецкіх краінаў — "Беларусь" замест "Белоруссия", "Кыргызстан" замест "Киргизия", "Малдова" замест "Молдавия". 

Ці то палітыка новых назваў пратрымалася толькі месяц, ці то інэрцыя не дала журналістам BBC выканаць свае абяцанні.