З'явіўся новы шведскі інфармацыйны праект пра Беларусь

Інфармацыйны онлайн-праект разлічаны на шведскую аўдыторыю, ён паведамляе пра сітуацыю з правамі чалавека ў Беларусі. Як адзначыў у інтэрв'ю Радыё Свабода кіраўнік Östgruppen Марцін Угла, "падзеі ў Беларусі часта аказваюцца ў цені іншых міжнародных навінаў у шведскай медыяпрасторы. Праект "У фокусе — Беларусь" дапаможа адкрыць доступ да наўпроставага інфармацыйнага каналу і такім чынам жыхары Швецыі змогуць даведацца, што адбываецца ў гэтай краіне".