Зборная Беларусі па хакеі абыграла каманду Нямеччыны
Сёння хакеісты зборнай Беларусі правялі заключны таварыскі матч перад чэмпіянатам свету.
У Кёльне падапечныя Эдуарда Занкаўца выйгралі ў каманды Нямеччыны з лікам 3:2, паведамляе БЕЛТА. Дзве шайбы закінуў адзін з лідэраў беларускай зборнай — Міхаіл Грабоўскі.
Чэмпіянат свету-2011 пройдзе ў славацкіх Браціславе і Кошыцэ з 29 красавіка па 15 траўня. На папярэднім этапе сусветнага форуму сапернікамі беларусаў стануць канадцы (29 красавіка), швейцарцы (1 траўня) і французы (3 траўня).
