З БДУ адлічылі Насту Шулейку — удзельніцу акцыяў салідарнасці
Студэнтка Інстытута журналістыкі БДУ пра гэта даведалася 14 лютага.
Як паведамляе прэс-служба "Рэвалюцыі праз сацыяльныя сеткі", Наста была адной з арганізатарак летняй хвалі салідарнасці з асуджанымі за маўклівыя акцыі.
У канцы мінулага года яе некалькі разоў затрымлівалі. 25 лістапада дзяўчына атрымала вымову за акцыю ў падтрымку Алеся Бяляцкага. Другі раз яе затрымалі 19 снежня каля Чырвонага касцёла. Дарэчы, Новы нод студэнтка сустрэла ў турме на Акрэсціна — яе асудзілі за тое, што яна нібыта "лаялася матам пад СІЗА РУУС".
