Намесніка старшыні Віцебскага аблвыканкама падазраюць у хабары?
У КДБ не каментуюць інфармацыю пра магчымае затрыманне намесніка старшыні Віцебскага аблвыканкама Леаніда Кавалёва.
Паводле неафіцыйнай інфармацыі, яго затрымалі на мінулым тыдні па падазрэнні ў атрыманні хабару, паведамляе interfax.by.
У прыёмнай намесніка старшыні аблвыканкама агенцтву заявілі, што “Леаніда Леанідавіча няма, і сёння не будзе”. На пытанне, дзе знаходзіцца чыноўнік, у прыёмнай адказваюць: “Яго няма”.
Леанід Кавалёў раней узначальваў Беларускі рэспубліканскі саюз моладзі.
Фота: vitbichi.vitebsk.biz