Вікторыя Азаранка выйграла ў Каралін Вазняцкі у дабрачынным матчы
Такім чынам лепшая беларуская тэнісістка паспяхова адкрыла сезон.
Дабрачынны паядынак праводзіўся ў дапамогу пацярпелым ад паводкі ў Тайландзе, паведамляе БелТА.
Беларуска, якая займае 3-е месца ў сусветным рэйтынгу, абыграла першую ракетку планеты Каралін Вазняцкі з Даніі ў двух сэтах - 6:2, 7:5. Абедзве тэнісісткі пералічылі ў фонд пацярпелых па 100 тыс. тайландскіх батаў, што складае больш за 2 тысячы еўра. Афіцыйны сезон 2012 года Азаранка і Вазняцкі адкрыюць 8 студзеня на міжнародным турніры ў аўстралійскім Сіднэі.
