Віцебскія міліцыянты завіталі на гей-паці
У ноч з 12 на 13 студзеня ў клуб “XXI стагоддзе” падчас правядзення вечарынкі для сэкс-меншасцяў уварвалася міліцыя.
Як пішуць у сацыяльных сетках ўдзельнікі імпрэзы, а 0:20 13 студзеня ў клуб уварваўся міліцэйскі спецназ і пашыхтаваў усіх наведнікаў уздоўж сценак: з аднаго боку хлопцаў, а з другога — дзяўчат.
Усіх прысутных перапісалі на відэакамеру і высветлілі іх асабістыя дадзеныя. У клубе ў гэты час знаходзілася больш за 50 чалавек. Затым супрацоўнікі міліцыі пакінулі гей-вечарыну, паведамляе сайт “Народныя навіны Віцебска”.
