Віцебскіх актывістаў БХД аштрафавалі на тры мільёны кожнага
У Віцебску 21 лютага прайшоў суд над актывістамі аргкамітэта партыі "Беларуская хрысціянская дэмакратыя" Аляксеем Кішчуком і Стасам Лаўрэнавым.
Нагадаем, што іх затрымалі 16 лютага падчас акцыі салідарнасці з палітвязнямі. Віцябляне вывесілі на мосце расцяжку "Свабоду" і дасталі партрэты палітвязняў.
Сведка з боку падабаронных заявіў, што міліцыянты, затрымоўваючы актывістаў, парушылі ўсе магчымыя правілы дарожнага руху, калі ехалі на машыне па тратуары. Прадстаўленае міліцыянтамі відэа затрымання пацвердзіла гэтыя парушэнні, адзначае прэс-служба БХД.
Суддзя прысудзіў актывістам штраф у памеры тры мільёны рублёў кожнаму. Аднак яны хочуць абскардзіць гэты прысуд. Самі Лаўрэнаў і Кішчук таксама выставілі міліцыянтам сустрэчны пазоў за незаконнае ўтрыманне ў ізалятары часовага ўтрымання. Свае маральныя страты яны ацанілі ў 15 і 14 тысяч еўра, адпаведна.
Фота — svaboda.org
