Украінская апазіцыя аб’ядноўваецца перад выбарамі
Аб падпісанні пагаднення "Аб сумесных дзеяннях аб'яднанай апазіцыі Украіны" было абвешчана ў нядзелю на мітынгу апазіцыйных сіл.
У якасці галоўнай мэты абвяшчаецца перамога на парламенцкіх выбарах і адхіленне ад улады "кіруючага антынароднага рэжыму Януковіча". Удзельнікамі пагаднення з'яўляюцца партыі, якія ўваходзяць у Камітэт супраціву дыктатуры. Ён быў утвораны пасля арышту Юліі Цімашэнка ў жніўні мінулага года.
У Камітэт ўвайшлі партыі "Бацькаўшчына", "Фронт перамен", "Свабода", "Рэформы і парадак", "Народная самаабарона", "Наша Украіна" і Народны Рух Украіны, паведамляе ВВС.
Парламенцкія выбары пройдуць ва Украіне ў кастрычніку 2012 году.