Украінец дапамог кіроўцу-беларусу, які замярзаў на лясной дарозе
Грузавы аўтамабіль беларуса спыніўся ў Валынскай вобласці Ўкраіны на дарозе пасярод лесу — дызельнае паліва замерзла.
Амаль суткі ён не мог сагрэцца, пакуль на дапамогу не прыйшоў старшыня Млынаўскага сельсавета, які забраў змерзлага кіроўцу да сабе дадому.
Як паведамляе "Волинь Post", беларус выклікаў на месца здарэння ратавальнікаў, якія адцягнулі аўтамабіль на пераход "Даманава" на ўкраінска-беларускай мяжы. Там грузавік быў пастаўлены на стаянку.
Ноч беларус правёў у доме старшыні сельсавета. А 2 лютага на дапамогу калегу прыехалі яго сябры з Беларусі, якія прывезлі для рамонту неабходныя запчасткі і тэхнічнае абсталяванне.