Стала вядомая прычына смерці Чавеса і яго апошнія словы
Уга Чавес памёр не ад раку, а ад інфаркту. А апошнімі яго словамі былі: "Я не хачу паміраць. Калі ласка, не дазвольце мне памерці".
Непасрэднай прычынай смерці прэзідэнта Венесуэлы стаў сардэчны прыступ. Пра гэта агенцтву Associated Press паведаміў кіраўнік Прэзідэнцкай гвардыі, які быў побач з Чавесам у яго апошнія хвіліны жыцця.
Генерал Хасэ Амелья пацвердзіў, што ў венесуэльскага прэзідэнта да сакавіка рак дасягнуў позняй стадыі. Аднак ніякіх падрабязнасцяў пра тое, як Чавес змагаўся з хваробай, распавядаць не стаў, перадае РБК.
Фота — AFP
