У Венгрыі ўвялі падатак на чыпсы
Разам з гэтым прадуктам падаткі наклалі на ўсе занадта салёныя і салодкія харчы, паведамляюць інфармагенцтвы.
Асноўнай мэтай новаўвядзення з’яўляецца клопат пра здароўе жыхароў краіны і барацьба з залішняй вагой. Венгерскі ўрад спадзяецца, што насельніцтва стане меней набываць газаваныя і энэргетычныя напоі, чыпсы, печыва і шакалад, а вытворцы пачнуць змяншаць долю солі і цукру ў сваіх прадуктах.
