У Варшаве прэзентавалі праграму, якую рыхтавалі 40 беларускіх экспертаў
25 кастрычніка ў Беларускім доме ў польскай сталіцы палітык Юрась Губарэвіч і эканаміст Сяргей Чалы распавялі пра Народную праграму Беларусі.
Яна распрацаваная рухам "За Свабоду" пры ўдзеле каля 40 беларускіх экспертаў "з розных сфераў жыцця". Як сцвярджаюць стваральнікі Народнай праграмы — гэта дакумент, мэтай якога з'яўляецца выпрацоўка новага пазітыўнага бачання будучыні нашай краіны. Праграма змяшчае прапановы па рэфармаванні грамадскай, эканамічнай і палітычнай сістэмы Беларусі.
Юрась Губарэвіч і Сяргей Чалы ў сваіх выступах адзначылі перспектыўнасць гэтага дакумента.
