У Варшаве пакажуць спектакль па творы Святланы Алексіевіч
8 і 9 сакавіка адзіны на постсавецкай прасторы спектакль пра чарнобыльскую трагедыю па матывах аповесці Святланы Алексіевіч дадуць у польскай сталіцы.
“Чарнобыльскую малітву” на польскай мове і з польскімі акторамі можна будзе ўбачыць на сцэне тэатру Studio (pl. Defilad 1). Паказы адбудуцца: 8 сакавіка а 19.00, 9 сакавіка а 16.00 і 19.00. Кошт квіткоў — 65 злотых (каля 20 долараў).
Адзначым, што дапамогу ў арганізацыі спектаклю аказала Міністэрства культуры і нацыянальнай спадчыны Польшчы.
