У Варшаве напісалі беларускую дыктоўку (фота)
21 лютага у Варшаве некалькі дзесяткаў чалавек прынялі ўдзел у напісанні агульнабеларускай дыктоўкі, прымеркаванай да Міжнароднага дня роднай мовы.
Верш Максіма Танка “Родная мова”, які быў абраны тэкстам для дыктоўкі, чытала мастацтвазнаўца Інна Рэўт.
Пасля таго, як дыктоўкі будуць правераныя, аўтары лепшых трох атрымаюць падарункі ад арганізатараў - ініцыятывы “Беларуская нацыянальная памяць”.
Агульнабеларуская дыктоўка праводзіцца ў Варшаве трэці раз.
