У цэнтры Варшавы з'явіліся людзі ў форме беларускага АМАПу (фота)
16 студзеня каля галоўнага ўваходу Варшаўскага ўніверсітэту прайшла чарговая акцыя салідарнасці з беларускімі палітвязнямі.
На мерапрыемстве нечакана з'явіліся і людзі ў форме беларускага АМАПу. Але фізічную сілу для разгона ўдзельнікаў акцыі "амапаўцы" прымяняць не сталі. Пазней яны і самі перайшлі на бок беларускіх апазіцыянераў і сталі раздаваць інфармацыйныя ўлёткі пра беларускіх палітзняволеных і шпацыраваць пад бел-чырвона-белымі сцягамі.
Арганізатарам мерапрыемства выступіла АРТ- група "Партызан". Акцыя выклікала жывую цікавасць з боку варшавякаў.
"Партызаны" плануюць праводзіць падобныя акцыі ў розных еўрапейскіх сталіцах.
