Адчынілася выстава ў рамках "Адкрывай Еўропу — Адкрывай Беларусь"
На ёй прадстаўленыя працы мастакоў і фотамастакоў з Эстоніі і Беларусі.
З 15 па 28 верасня ў Hellemann Galerii (Мюйрывахэ 48, Талін) праходзіць выстава ў рамках кампаніі "Адкрывай Еўропу — Адкрывай Беларусь". Шасцёра ўдзельнікаў працуюць у розных тэхніках і накірунках - жывапіс, фотадакументалістыка, ілюстрацыя.
Напрыклад, прадстаўленыя палароідныя здымкі Аляксея Шынкарэнкі, карціны мастачкі Кацярыны Міхнюк і працы фатографа Алега Колтуна (Эстонія).
Галерэя знаходзіцца ў адной з вежаў гарадской сцяны старога Таліна.
