У пятніцу агучаць прысуд па справе кіроўцы "Поршэ", які збіў школьніка
Пракурор патрабуе для Андрэя Забабуры 4 гады пазбаўлення волі з адбыццём пакарання ў папраўчай калоніі ва ўмовах пасялення.
Нагадаем, у сераду Забабура выступіў з апошнім словам. Ён сказаў, што прызнае толькі сваю маральную віну ў тым, што здарылася. Папрасіў у маці хлопчыка, у яго родных, прабачэння. Заявіў, што будзе аказваць ім усю магчымую дапамогу, незалежна ад рашэння суда.
Прысуд будзе абвешчаны ў пятніцу, 15 лютага, а 15-й гадзіне ў Фрунзенскім раённым судзе сталіцы.
Нагадаем, што Андрэя Забабуру судзяць за забойства 9-гадовага Уладзіка
Грудзьева. Трагедыя адбылася ў лістападзе ў мінскім мікрараёне Сухарава.
Кіроўца "Поршэ Каен" не заўважыў школьніка і збіў яго насмерць.
Фота — Еўрарадыё, svaboda.org