У Пінску знясуць хутар, які мог стаць турыстычным аб’ектам
Дзеля пабудовы футбольнай акадэміі ў Пінску знясуць сапраўдны хутар.
Разрастаючыся, сталіца Палесся паступова праглынала навакольныя вёскі і хутары. А гэты хутар цудам застаўся некранутым і кантраставаў сваім нязграбным выглядам з сучаснымі шматпавярховікамі.
Аднак неўзабаве і гэта архаічная кропка знікне з мапы горада. На яго месцы запланавана будаўніцтва футбольнай акадэміі. Гаспадар хутара ўжо атрымаў ключы ад кватэры з выгодамі. А пінчукі кажуць, што пры належным падыходзе з хутару мог бы атрымацца цікавы турыстычны аб’ект.
