У ноч на 7 чэрвеня кошт АІ-92 пераваліць за 5 тысяч рублёў

Па інфармацыі, якую Еўрарадыё пацвердзілі на некалькіх АЗС у Мінску і за межамі сталіцы, апоўначы 7 чэрвеня кошты на беларускіх запраўках ізноў падскочаць.

7 чэрвеня:

АІ-95 падаражэе да 5800 рублёў за літр (было 4350, падаражэнне - 33,33%);

АІ-92 будзе каштаваць 5100 рублёў (было 3950, падаражэнне - 29,11%);

А-80 узнімецца ў кошце да 4950 (6 чэрвеня гэты бензін каштуе 3850 рублёў, падаражэнне - 28,57%);

дызельнае паліва "падрасце" да 5100 рублёў (было 3900, падаражэнне - 30,77%).

У сярэднім 7 чэрвеня аўтамабільнае паліва падаражэе на 30,4%.

Апошні раз кошты на паліва ў Беларусі падвышаліся 24 траўня, роўна 2 тыдні таму.

З пачатку 2011 года:

АІ-95 падаражэў на 79% (у студзені каштаваў 3240 рублёў);

АІ-92 – на 77,7% (каштаваў 2870 рублёў);

А-80 – на 120% (каштаваў 2250 рублёў);

дызельнае паліва – на 97,67% (каштавала 2580 рублёў).

У сярэднім з пачатку 2011 года бензін падаражэў на 93,59%.